Пол Сколс е пред ангажман – Легендата на Манчестер Јунајтед го превзема англискиот третолигаш?

Легендата на Манчестер Јунајтед, Пол Сколс наскоро би можел да стане тренер на членот во Лига 1, Олдам.

Сколс е роден во тој крај и како дете беше навивач на Олдам. Сега на управата на клубот им останува да одлучи дали да го постави на местото тренер. Сколс претходно кратко време работеше како тренер во Манчестер Јунајтед, но никогаш не беше менаџер, односно прв тренер на некоја екипа.

Работата менаџер на Олдам е празна од отказот на Џон Шеридан од 25. септември. Олдам во моментов е 19. на табелата во Лига 1 со само 10 бода од 11 натпревари.

Сегашен привремен менаџер е Ричи Веленс, кој исто така беше во Јунајтед како млад играч.