Пол Инс: Зошто Јунајтед го доведе егоистот Роналдо, а не Халанд?

Легендата на Манчестер Јунајтед, Пол Инс остро ја критикуваше ѕвездата на тимот Кристиано Роналдо.

Инс смета дека „црвените ѓаволи“ погрешиле што го вратиле Роналдо на „Олд Трафорд“ и требало да го купат Ерлинг Халанд од Борусија Дортмунд.

„Кога Солскјер го презеде тимот проектот беше фокусиран врз младите играчи и наеднаш доведоа 37-годишен играч. Тоа те тера да помислиш: „Зошто  не го доведовте Халанд?“ Немаше потреба од Роналдо и сите мислеа дека ќе отиде во Манчестер Сити“.

„Луѓето зборуваа дека тој ќе биде важен за клубот и за младите играчи. Сите мислевме дека ќе биде така, но тој покажува пример на налутен егоист. Зошто треба да го слушате некој кој се однесува на тој начин?“, изјави Инс.