Погба и ги соопшти условите на Барселона

Пол Погба е цврсто решен во својата намера да го напушти Манчестер Јунајтед во зимскиот преоден рок.

Французинот беше на излезна врата уште во летниот преоден рок, но сепак остана на „Олд Трафорд“, меѓутоа во последно време неговите односи со Мурињо додатно се влошија.

За него силен интерес покажува Барселона. Погба е спремен да се откаже од дел од своите примања, но бара 12 милиони евра по сезона, сума која Каталонците тешко дека ќе се согласат да му ја дадат.

Сепак, поголем проблем од платата на Погба е обештетувањето. Манчестер Јунајтед бара повеќе од 200 милиони евра, сума која никој клуб не е спремен да ја плати.

Инетрес покажуваат уште Јувентус и ПСЖ, но Погба не сака да се врати во Франција, а „бјанконерите“ не можат да си ги дозволат неговите високи примања.