Повредата на Роналдо не е сериозна

Кристиано Роналдо заработи повреда на глуждот на мечот против Лацио, но прегледите покажаа дека не станува збор за ништо сериозно.

Според италијанските медиуми Роналдо ќе им се приклучи на репрезентативците на Португалија и ќе биде спремен за натпреварите во Лига нации против Франција и Хрватска.

Роналдо беше заменет во последните 15 минути на мечот со Лацио и во Јувентус стравуваа дека повредата е посериозна.

Португалецот повторно ќе оди на лекарски прегледи во португалската репрезентација и само доколку биде целосно опоравен ќе настапи за репрезентацијата.