Пеле од болница: Гледајте го Бразил на Светското првенство

Во текот на вчерашниот ден пристигнаа лоши вести за состојбата на бразилската легенда Пеле.

Пеле бил префрлен на палијативна нега каде што болките му се ублажуваат, дишењето му е отежнато, пренесуваа медиумите во Бразил. Хемотерапијата била прекината затоа што неговото тело повеќе не реагирало.

Веднаш по таа вест се огласија голем број фудбалски фанови, но и фудбалери кои искажуваа поддршка за легендарниот бразилски фудбалер. Пеле испрати и порака од болницата каде што престојува.

„Сакам сите да бидете мирни и позитивни. Силен сум и се држам до мојот третман како и обично. Му се заблагодарувам на целиот медицински персонал за грижата што ми ја пружаат. Имам голема верба во Бог. Гледајте го Бразил на Светското првенство“, порача Пеле.