Патрис Евра му се понуди на Јувентус!

Францускиот фудбалер Патрис Евра (37) му се понудил на својот поранешен клуб Јувентус.

Искуснуиот 37 годишен фудбалер е без клуб откако летото минатата година го напушти Вест Хем, но тоа не му пречи да ги понуди своите услуги на Јувентус кој има проблеми со повредените дефанзивци.

Евра е во добра физичка форма. Иако е без клуб веќе девет месец, работи сам со цел да се задржи во форма, па поради тоа одлучил да се понуди на шампионот на Италија.
Французинот последениот натпревар го одигра во мај 2018 година, но на натпреварот помеѓу Вест Хем и Лестер помина само една минута.

Евра дресот на „старата дама“ го носеше од јуни 2014 до јануари 2017 година. Одигра 82 натпревари и постигна три погодоци.