Официјално: Десната рака на Мурињо заминува од „Олд Трафорд“

Манчестер Јунајтед соопшти дека долгогодишниот асистент на менаџерот Жозе Мурињо, Руи Фарија, на крајот од сезоната ќе го напушти клубот.

Фарија соработуваше со Мурињо од 2001 година и во изминатите 17 години со различни клубови освоија 25 трофеи.

„По многу размислување и со тешко срце одлучив дека е време да тргнам во друг правец. Имам зад себе 17 прекрасни години и неверојатни искуства. Во изминатиов период почувствував дека треба да поминам повеќе време со моето семејство пред да донесам одлука за нов професионален ангажман“, изјави Фарија.

#MUFC announces that assistant manager Rui Faria is to leave the club at the end of the season. We wish him all the best for the future.

Full details: https://t.co/Gq7SBxk2kR pic.twitter.com/HAVXwp0XdY

— Manchester United (@ManUtd) May 12, 2018

„Ќе ми недостигаш пријателе! По 17 години умниот ученик стана фудбалски стручњак подготвен за успешна кариера на главен тренер. Ја почитувам твојата одлука бидејќи знам дека секогаш ќе бидеме заедно“, истакна Мурињо.