Од Дортмунд тврдат: Никој не не контактирал за Халанд

Ерлинг Халанд е една од најжешките теми на трансфер пазарот, а најсилен интерес за него покажуваат Манчестер Сити и Реал Мадрид.

Неодамна медиумите пренесоа дека Манчестер Сити веќе се договорил со Халанд и е спремен да ја плати откупната клаузула.

Меѓутоа, директорот на Борусиј Дортмунд, Себастијан Кел ги демантираше таквите информации.

„Да, постои откупна клаузула за раскин за оговорот, но нема клубови кои контактирале со нас за можно плаќање на клаузулата. Сакаме тој да направи одлука што е можно побргу. Ерлинг се однесува крајно професионално, постојано сака да биде во составот и да придонесе за тимот“, вели Кел.