Нови одложувања во Италија: Клубовите на итен состанок!

Владата на Италија објави декрет за забрана на одржување на сите спортски случуваља во регионите кои се погодени од корона вирусот.

Овој викенд беа одложени пет натпревари во Серија А, но иста ќе биде ситуацијата и следниот викенд.

Најавите се дека овој викенд ќе бидат одложени натпреварите, Аталанта – Лацио, Болоња – Јувентус, Интер – Сасуоло и Верона Наполи.

Се уште не е познато што ќе биде со натпреварите Јувентус – Милан и Наполи – Интер од полуфиналето на Купот.

Ваквата ситуација го вклучи алармот кај клубовите бидејќи сериозно се доведува во прашање регуларноста на Серија А, па е свикан итен состанок кој ќе се одржи во среда во Рим.