Ни Де Геа, ни Куртоа: Реал испрати понуда за ОВОЈ голман

epa06399958 Spanish soccer club Real Madrid's president Florentino Perez holds a speech during the club's traditional Christmas lunch held in Madrid, Spain, 20 December 2017. EPA-EFE/ANGEL DIAZ

Не е тајна дека Реал Мадрид е во потрага по нов голман, но првите две мети се тешки за реалзација, па сега „кралевите“ имаат друга мета.

Имено, Де Геа тешко дека ќе го напушти Манчестер Јунајтед и се очлекува наскоро да го продолжи договорот со „црвените ѓаволи“.

Втора мета беше Куртоа, но неговите партии оваа сезона како и цената која ја бара Челзи ги натераа „кралевите“ да се предомислат.

Шпанските медиуми се сигурни дека сега првата мета на Реал Мадрид е голманот на Рома, Алисон.

Реал спреми понуда од 60 милиони евра, плус бонуси, што ќе го направи бразилскиот голман најскап во историјата на фудбалот.

„Меси меѓу голманите“ е мета на многу европски гиганти, но јасно е дека неговата желба е да се пресели на „Сантиаго Бернабеу“.

Рома сака да го задржи Алисон, но тешко дека ќе може да ја одбие понудата на „кралевите“, па се очекува наскоро да започнат преговорите.

Реал веќе стапил во контакт со неговиот агент и на Алисон му нуди 5-годишен договор според кој ќе заработува 5 милиони евра по сезона.