Ништо од Реал и Барса: Дибала се сели на Островот!

Менаџерот на Манчестер Јунајтед Жозе Мурињо е убеден дека наредната година во својот тим може да ја доведе ѕвездата на Јувентус, Пауло Дибала.

Младиот Аргентинец често се поврзува со Реал Мадрид, Барселона и ПСЖ. Гласините за неговиот трансфер додатно се засилија откако во последно време Алегри го пресели на клупата за резерви.

Дибала одлично ја започна сезоната, беше прв стрелец во Серија А, но во последно време е се подалеку од посакуваната форма, а и од стратниот тим.

Англиските медиуми пренесуваат дека Мурињо е убеден дека може да го донесе Аргентинецот на „Олд Трафорд“ и во него гледа идеална замена за Хенрих Михтарјан. Притиа „Специјалниот“ има адут во ракавот, а тоа е бившиот скаут на „старата дама“ Хавиер Рибалта кој може да го убеди Дибала да го избере Манчестер Јунајтед.

Наводно и самиот Дибала го одбил Пари Сент Жермен бидејќи неговата желба е преселба во Премиер лигата.