„Нејмар ќе замине во Реал и ти ќе го замениш во ПСЖ“

Бразилецот Нејмар ова лето стана најскапиот фудбалер во историјата на фудбалот кога за 222 милиони евра се пресели во ПСЖ. Веднаш блесна на „Паркот на принцовите“, но медиумите тврадт дека не е среќен во Париз.

Наводно Нејмар веднаш се покаил што ја напушти Барселона, а сега медиумите најавуваат нова „бомба“ и тврдат дека во иднина ќе го облече дресот на Реал Мадрид.

Сагата за трансферот на Нејмар во Реал Мадрид повторно е актуелната тема во европските медиуми и се погласни се шпекулациите дека Бразилецот ќе стане „крал“.

Мариано Дибала, брат и агент на ѕвездата на Јувентус е само последен во низата кој се вклучи во целата приказна.

Имено, „Кориере дела Сера“ тврди дека Мариано Дибала имас состанок со раководството на ПСЖ кое го уверило дека неговиот брат може да се пресели во Париз „кога што ќе посака“.

Според истиот извор Мариано му рекол на Пауло Дибала: „Нејмар оди во Реал Мадрид, а ти ќе го замениш во ПСЖ“.

Откако во Јувентус дознаа за средбата на Дибала со ПСЖ тргнаа во офанзива за Аргентинецот што побрзо да потпише нов договор, бидејќи „старата дама“ сака да го задржи во своите редови.