![](https://sportski.mk/wp-content/uploads/2021/05/мек-800x491.jpg)
Ирскиот ММА борец, Конор Мекгрегор е најплатен спортист во светот во последните 12 месеци, објави еминентниот Форбс.
Мекгрегор во изминатата година вкупно заработил 180 милиони долари. Дури 158 милиони ги заработил надвор од спортот и така стана само третиот спортист после Федерер и Тајгер Вудс кој успеал во тоа.
Мбапе со маска на победа против Холандија! ↓↓↓
Повеќе од 100 милиони долари заработиле уште двајца фудбалери, Лионел Меси и Кристиано Роналдо, како и Дак Прескот од НФЛ лигата.
Меси вкупно заработил 130 милиони долари, Роналдо 120, а Прескот 107,5 милиони. Следуваат Леброн Џејмс со 96,5 милиони, Нејмар (95), Федерер (90), Луис Хамилтон (82), Том Брејди (76) и Кевин Дурент (75).
Очигледно дека пандемијата со коронавирусот не влијаела на најбогатите спортисти.