Најголемиот талент на Реал Мадрид бара трансфер!

Во Реал Мадрид пристигна како најголем талент во светскиот фудбал, а само една година подоцна бара трансфер од клубот со цел да ја спаси кариерата.

Станува збор за Мартин Одегард, фудбалер кој пристигна како идна ѕвезда на светскиот фудбал, а до сега одигра само 23 минути за Реал Мадрид и тоа кај Карло Анчелоти.

Како што пренесуваат шпанските медиуми Одегард уште во зимскиот преоден рок ќе побара трансфер од Реал Мадрид, а „кралскиот“ клуб најверојатно ќе го испрати на 18 месечна позајмица.

Одеганрд се надеваше дека ќе добие минутажа во натпреварот од Купот против нисколигашот Културал Леонесе, но после тој натпревар е одлучен во намерата да го напушти „Сантиаго Бернабеу“.