„Модриќ е играч кој однапред знае што ќе направи“

Фудбалерот на Ајакс, Дони ван Де Бек, го пофали играчот од средниот ред на Реал, Лука Модриќ.

Де Бек се споменува како следно засилување за Реал, а играчот од средниот ред на Ајакс е свесен дека во Реал Мадрид би добил шанса да игра заедно со Модриќ, за кого смета дека е меѓу најдобрите во светот.

„Го следам уште од дете и беше навистина убаво да играм против него“- рече Дони и додаде:

„Мислам дека е навистина убаво да го гледам како игра. Тој е играч кој секогаш знае однапред што ќе направи“.

Со оглед на тоа што Ајакс не успеа да се пласира во нокаут фазата од Лигата на шампиони, не треба да изненадува ако во јануари Де Бек се пресели во Реал, кој ќе игра против Манчестер Сити во осминафиналето.