„Милионерите“ сериозно си поигруваат со нервите на Венгер и „Топчиите“

Напаѓачот на Борусија Дортмунд, Пјер Емерик Обамејанг, со „Топчиите“ договори договор на три и пол години и годишна плата од 10 милиони евра, но германскиот тим засега го опструира конечниот договор.

Како што тврди специјалистот за трансфери, италијанскиот новинар, Џанлука Ди Марсио, раководството на Борусија опасно си игра со нервите на менаџерот на Арсенал, Арсен Венгер.

Пред него поставија необично барање. Подготвени се да прифатат понуда за Обамејанг во вредност од 60 милиони евра, но би сакале да го задржат 28-годишниот напаѓач до крајот на сезоната во своите редови.

Се претпоставува дека во Борусија се одлучиле на ваков потег по коментарот на Венгер за Обамејанг во кој потврди дека договорот со него е блиску.

Габонецот стана член на „Милионерите“ во 2013. година. За Борусија одигра 212 натпревари и постигна 141 погодок.