Меси го пронајде натрапникот во соблекувалната на Барселона

„Diario Gol“ пишува дека веќе со месеци од соблекувалната на Барселона изглегуваат информации и се објавваат во мадридските медиуми блиски до Реал.

Многумина мислеа дека Нејмар е шпионот, меѓутоа таа теорија падна во вода откако што информациите од екипата продолжија да се објавуваат и откако Бразилецот си замина во ПСЖ.

Истиот медиум, повикувајќи се на блиските извори, тврди дека Лионел Меси е убеден дека натрапникот е Андре Гомес. Меси се сомнева дека Гомес на својот сонародник и репрезентативен соиграч, Роналдо му ги пренесува деталите од соблекувалната, а со целата ситуација е запознаено и раководството на клубот.

Ќе биде интересно да се види како Меси и останатите соиграчи ќе се однесуваат со Гомес, а доколку целата приказна излезе точна, прашањето е колку долго Португалецот ќе се задржи на „Камп Ноу“.