Марка: Роналдо е во големи проблеми

Бразилецот Роналдо е во проблеми, пишува Marca. Тој имал големи проблеми со два клуба во кои тој е мнозински сопственик.

Во Ваљадолид навивачите протестираат против него, во Крузеиро е во серија од осум натпревари без победа.

Роналдо стана мнозински сопственик на Ваљадолид во септември 2018 година, откако купи 51 отсто од акциите.

Во декември 2021 година, тој ја презеде контролата над Коринтијанс, клубот во кој ја започна својата кариера и инвестираше 70 милиони долари во него.

Неодамна дојде до промена на тренерот во бразилскиот клуб. Таму најпрвин работеше Пауло Пецолано, кој сега е во Ваљадолид, него го замени Пепа, а сега е устоличен и Зе Рикардо. Клубот е во најлошата серија откако го презеде прославениот Бразилец, пет бода над зоната за испаѓање. Лошите резултати ги принудија навивачите да критикуваат и протестираат.

Слично е и во шпанскиот клуб. Иако го спаси од банкрот, клубот е во долниот дел од шпанската второлигашка табела, а Роналдо е на удар на навивачите. Со оглед на неговата моментална форма и ситуација, Марка заклучува дека работите би можеле да добијат уште полош тек за него.