Македонецот во тандем со Белоти: Торино го сака Несторовски

Еминентниот италијански весник „Тутоспорт“ пренесува дека раководството на Торино е заинтересирано за македонскиот репрезентативец и член на Палермо, Илија Несторовски.

Несторовски неодамна потпиша нов договор со Палермо до 2021 година, сепак „Тутоспорт“ тврди дека понуда од 15 милиони евра може да го убеди Зампарини да го пушти Македонецот.

Несторовски сезонава е најдобриот стрелец на Палермо во Серија Б и има постигнато девет гола на 12 натпревари. Со тоа само ја потврди одличната форма од минатата сезона, па поради тоа се наоѓа на радарот на клубови од Серија А.

Торино сака да го спои Несторовски во нападот заедно со Андреа Белоти кој оваа сезона не е во најдобра форма и се мачи со пореди. Поради тоа Михајловиќ бара уште еден напаѓач во зимскиот преоден рок, а покрај Несторовски „биковите“ следат уште тројца напаѓачи: Кутроне од Милан, Бориело од СПАЛ и Фалчинели од Сасуоло.