Италијанските медиуми пренесуваат дека Стефан Лихштајнер ќе го напушти Јувентус и кариерата ќе ја продолжи во Турција, каде трансфер прозорецот е отворен до 8-ми септември.
Силен интерес за Швајцарецот покажува Бешикташ кој наводно веќе стапил во контакт со неговиот агент. Лихштајнер го загуби статусот на првотимец во Торино, па е спремен да ја промени средината.
Како е да се биде професионален Counter-Strike играч! ↓↓↓
Притоа, десниот бек е лут на одлуката на тренерот Макс Алегри да го изостави од списокот за Лига на шампиони, па сака трансферот да се реализира што побрзо.
Трансфер пазарот во Турција е отворен до петок, па многу е веројатно дека ќе дојде до реализација на трансферот бидејќи Јувентус нема ништо против да го пушти Лихштајнер.
„Бјанконерите“ на таа позиција веќе ги донесоа Матија де Шиљо и Бенедикт Ховедес, па 33-годишниот Швајцарец после 7 години најверојатно ќе го напушти клубот.