Листата на најплатени тренери во Серија А: Алегри и Мурињо на врвот

Иако Антонио Конте како убедливо најплатен тренер ова лето го напушти Интер, сепак вкупната сума за плати на тренери во Серија А порасна за 5%.

За тоа најзаслужните се Масимилиано Алегри, кој се врати во Јувентус и Жозе Мурињо, кој седна на клупата на Рома.

Двајцата трофејни стратези се убедливо најплатени тренери во Серија А и годишно заработуваат по 7 милиони евра нето.

На третото место е Симоне Инзаги кој во Интер заработува 4 милиони евра годишно, а потоа следуваат Маурицио Сари и Спалети со 3 милиони евра годишна плата.

Тренерот на Аталанта, Гасперини има плата од 2,2 милиони, а Пиоли, Михајловиќ и Јуриќ годишно заработуваат по 2 милиони евра.