Лејкерси подобри од Далас, Дончиќ немаше своја вечер (ВИДЕО)

Изминатата вечер во НБА лигата беа одиграни пет натпревари.

Кошаркарите на ЛА Лејкерси на свој паркет го победија Далас со 109:95.

Лејкерси успеаа да се вратат во победнички ритам после неколку порази, а вчера во „Стејплс Центарот“ беа подобри со 109:95. Домаќините водеа од самиот почеток на натпреварот и таа предност не ја испуштаа до крајот.

После првата четвртина Лејкерси водеа со 25:19 додека на одмор заминаа со резултат 54:43. Во продолжение Лејкерси ја чуваа предноста и беше јасно дека одат кон победа. На крајот славеа со 109:95 и сега се на скор од 26-7, додека Далас има 21-11.

До нов триумф Лејкерси ги водеше Ентони Дејвис со 23 поени, 9 скока и 4 асистенции, додека Леброн Џејмс одигра скромен натпревар со 13 поени, 13 асистенции и 6 скока. Кај Далас повеќе се очекуваше од Лука Дончиќ кој немаше своја вечер. Дончиќ натпреварот го заврши со 19 поени, 7 асистенции и 4 скока, Словенецот имаше шест обиди за тројка и не погоди ниту еден.

НБА резултати:

Торонто – Оклахома 97:98

Денвер – Сакраменто 120:115

Мемфис – Шарлот 117:104

Њу Орлеанс – Хјустон 127:112

Лејкерси – Далас 108:95