Летот на Меси одложен поради дојава за бомба

Лионел Меси има проблем со неговиотт приватен лет кој доцнел поради дојава за бомба на аеродромот во Росарио.

На аеродромот се случувала вистинска драма и поради тоа се одложиле сите летови, а помеѓу тие летови бил и тој на Меси. Со овој лет Меси се враќал од Росарио во Шпанија после освојувањето на Копа Америка со Аргентина.

Инаку, ова не е првпат Меси да има проблеми со авионите затоа што пред неколку месеци поради дефект летот му бил приземјен.

Навивачите на Барселона со нетрпение го очекуваат продолжувањето на договорот на Меси со Барселона, засега Аргентинецот е слободен играч затоа што неговиот договор со каталонскиот клуб официјално заврши на крајот на минатиот месец.