Легендарниот Луческу на 79 години по вторпат стана селектор на Романија

Легендарниот Мирчеа Луческо на 79 години е назначен за нов селектор на Романија.

Договорот кој го потпиша Луческу е на две години, а за него ова ќе биде втор мандат на селекторското столче на Романците.

Главната задача на Луческу ќе биде пласман на Романија на Мундијалот во 2026 година кој ќе се игра во САД, Канада и Мексико.

„Одиме по пласман на Светското првенство. Сега имаме тренер со големо искуство. Веруваме дека Мирчеа Луческу е вистинскиот човек за успех“, изјави Разван Бурлеану, првиот човек на романскиот фудбал.

Првиот мандат на клупата на Романија за Луческу траеше пет години од 1981 до 1986 година.