Левандовски пет сезони во низа постигнува 40 голови во дресот на Баерн

Фудбалерите на Баерн денеска славеа на гостувањето кај Унион Берлин со 0:2, а еден погодок постигна Роберт Левандовски.

За него тоа беше 40. погодок оваа сезона во сите натпреварувања. Постигна 26 погодоци во Бундеслигата, 11 во ЛШ и три гола во Купот.

Откако го постигна денешниот погодок, тоа е гол кој означи дека за Левандовски ова е дури петта сезона во низа во која постигнал 40 погодоци.

Ова е одличен успех за фудбалерот на Баерн кој важи за еден од најдобрите напаѓачи на светот, а до крајот на сезоната бројот на постигнати погодоци со сигурност ќе се зголемува.