Кристијано Роналдо има поголема плата од цели четири тимови во Серија А

Кристијано Роналдо е најпопуларниот играч во Серија А, затоа и не е чудно што е најплатен фудбалер во италијанското првенство.

Газета дело Спорт објави детални податоци за платите, а Роналдо на годишно ниво во Јувентус заработува 31 милион евра.

Интересно е што самиот Португалец има поголема плата од комплетните тимови на четири клуба, а тоа се Удинесе, Верона, Кротоне и Специја.

Удинесе на плата за играчи троши нешто помалку од 31 милион евра. Вкупната плата на играчите во Верона изнесува 24, а на Кротоне и Специја по 22.

Инаку, Роналдо заработува скоро четири пати повеќе од вториот на листата по најголема заработка во Јувентус, Де Лихт, кој има плата од осум милион евра.