Кризата е минато: Барселона добива 900 милиони евра?

Барселона зад себе има тешка сезона, но на крајот кога се ќе се собере второто место во Ла Лига изгледа и како добар резултат.

Се соочија Каталонците со голема финансиска криза поради која мораше да си замине и Лионел Меси. Со доаѓањето на Лапорта на местото прв човек во клубот после Бартомеу работите тргнаа во подобра насока. Финансиска ситуација се уште не е најдобра, но е далеку подобра од претходно.

Сега се најавува дека Барселона е пред потпис на два договори со вкупна вредност од 900 милиони евра.

Според El Confidential, Жоан Лапорта наскоро ќе ги заврши преговорите со две многу силни компании, кои би донеле најмалку 900 милиони евра на сметките на клубот.

„CBC Capital“ ќе биде присутен како спонзор на опремата на Барселона, а „Goldman Sachs“ ќе добие 30 отсто од акциите на клупската телевизија. Претходно, во текот на сезоната, Каталонците веќе потпишаа партнерство со „Spotify“, кој сега е дел од името на стадионот на Барселона.