Конте: Меси во Интер? Полесно е да се премести катедралата Дуомо

Во последните денови се почести се шпекулациите дека Лионел Меси може да ја напушти Барселона и да се пресели во Интер.

Меѓутоа, од редовите на италијанскиот клуб категорично ја отфрлаат таквата можност.

„Ниту еден италијански клуб не може да организира ваков трансфер без сопствениците кои би дале голем придонес. Затоа, имајќи ги предвид правилата на финансискиот фер-плеј, ние мора да бидеме стабилни. Мислам дека нема клуб во Италија кој може да си го дозволи Меси“, изјави директорот Марота.

За разлика од него Конте беше уште посликовит.

„Сметам дека тоа е невозможно. Полесно би било да се премести катедралата Дуомо, отколку Меси да дојде тука“, изјави Конте.