Конте во новата сезона ќе биде водител?!

Антонио Конте од кога замина од Интер се уште е без клуб, а сега доби една необична понуда.

Имено, искусниот стратег во новата сезона би можеле да го видиме во улога на главен водител на „Скај“ во емисиите кои ќе бидат посветени на Лигата на шампионите.

Конте би имал улога директно да поставува прашање на неговите колеги и сигурно дека би можело сосема добро да навлезе во стручниот дел што би било интересно за гледачите.

Медиумите кои ја објавија оваа информација не пишуваат за конкретната сума која би ја добивал Конте, меѓутоа за да го убедат сигурно таа треба да биде прилично висока.

Ќе потсетиме Конте си замина од Интер на крајот на сезоната затоа што не се согласуваше со раководството кој правец треба да работи клубот во летниот преоден рок.