Коларов и официјално пристигна во Рома

Српскиот репрезентативец, Александар Коларов од синоќа има нов клуб – Рома.

Како што е најавено во изминатите денови, левиот бек беше вишок во редовите на Манчестер Сити, сакаше да замине, а Пеп Гвардола околу тоа не правеше никакви проблеми, дури и изјави дека не сака да соработува со играчите кои нема да сакаат да останат во Сити.

Манчестер Сити прв се огласи по повод овој трансфер.

„Сите во Манчестер сакаат да му се заблагодарат на Александар за неговиот допринос во успесите на тимот и му посакуваат се најдобро во новиот клуб- Рома“, стои на официјалниот сајт на Манчестер Сити.

Манчестер според некои информации заработил околу 10 милиони евра за овој трансфер.

⚽️????⚙️?????????????❓
#ASRoma pic.twitter.com/18yhqHS1CC

— AS Roma English (@ASRomaEN) July 22, 2017