Клоп: Никој не треба да се грижи за мене, полн сум со енергија

Менаџерот на Ливерпул, Јирген Клоп категорично ги демантираше шпекулациите дека би можел да го напушти клубот.

Клоп тврди дека е полн со енегрија и лошата ситуација во која се наоѓа клубот ја гледа како предизвик.

„Сите знаат дека поминавме низ тежок период. Секогаш го средуваме тоа како семејство. Работам како тренер 20 години и можам да ги разделам работите. Кога работам, навистина работам. Не треба да се грижите за мене. Можеби не изгледам најдобро, бидејќи времето е студено и брадата ми обеле и не спијам многу, но имам енергија колку што сакате“, изјави Клоп.

Навивачите преку банер изразија поддршка до Клоп пред дуелот со Лајпциг во Лигата на шампиони.

„Банерот е убаво да го видиш, но не е потребен. Не чувствувам дека е потребна дополнителна поддршка во моментов, но убаво е да се види“, истакна Клоп.

A message from the Kop
to Jurgen Norbert Klopp ✊
Our manager through the highs & lows.#Solidarity pic.twitter.com/35XvgMuJxj

— lan Byrne MP (@IanByrneMP) February 14, 2021