Кимих го откри трансферот на Алаба

Веќе не е тајна дека Давид Алаба кариерата ќе ја продолжи во Реал Мадрид, а тоа го откри и неговиот соиграч Џошуа Кимих.

Вчера шпанските медиуми пренесоа дека Алаба ќе потпише петгодишен договор со Реал Мадрид.

„Давид освои се тука и сметам дека Реал, без никаков сомнеж, е клуб каде заслужува да отидеш. Откако си играл во Баерн нема многу клубови кои се на исто ниво. Реал е одлична варијанта за Алаба“, изјави Кимих.

Со ова Кимих го откри трасферот на Алаба, па сега се очекува само официјализација на истиот.

Договорот на Алаба со Баерн завршува на крајот на сезоната, па како слободен агент ќе се пресели на „Сантиаго Бернабеу“.