Каталонско радио: Меси го избра новиот клуб

Лионел Меси е главна тема откако преку факс ја извести Барселона дека ова лето сака да го напушти „Камп Ноу“.

Каталонските медиуми објавуваат дека Меси пред три дена имал телефонски разговор со Пеп Гвардиола за да го праша дали би сакал да го доведе во Манчестер Сити.

Меси како на свој пријател му ја кажал на Гвардиола својата разочараност и огорченост од Барселона и изразил желба да премине во Манчестер Сити.

Аргентинецот сака повторно да соработува со Гвардиола, а Пеп смета дека со Меси полесно ќе дојде до својата цел – освојување на Лигата на шампиони.

Каталонското радио тврди дека Меси веќе го избрал новиот клуб, па потоа испратил факс до Барселона дека сака да си оди. За него интерес покажуваат уште ПСЖ и Интер, но Сити е прв избор за Аргентинецот.