Кавани конечно го избра новиот клуб

Голем број на еминентни медиуми пренесуваат дека Едисон Кавани ја одбил понудата на Интер и се договорил со Атлетико Мадрид.

Кавани ова лето ќе го напушти ПСЖ како слободен агент, а неколку клуба беа силно заинтересирани за неговиот потпис.

Главната битка ја водеа Интер и Атлетико Мадрид, а Кавани сепак одлучи да се пресели во Мадрид.

33-годишниот голгетер ќе потпише двегодишен договор со „јорганџиите“ според кој ќе заработи 20 милиони евра.

Кавани заминува од ПСЖ како најдобар стрелец во историјата на клубот со вкупно 200 гола за седум сезони.