Интер спреми последна понуда за Лукаку

Милански Интер не се откажува од намерата да го врати Ромелу Лукаку во своите редови и спреми нова, последна понуда до Челзи.

Самиот фудбалер ги одбива сите останати понуди кои ги доби, бидејќи негова најголема желба е да се врати во Интер и се надева дека двата клува ќе се договорат.

Челзи ја одби првата понуда од „нероаѕурите“ и порача дека нема намера да го пушти Лукаку на нова позајмица, а за неговата слобода бара 45 милиони евра.

Интер е спремен да понуди 30 милиони евра, односно едногодишна позајмица од 5 милиони евра и задолжителен откуп следното лето за 25 милиони евра.

Ова последна и конеча понуда од италијанскиот гигант, па останува да се види како ќе реагира Челзи, а самиот Лукаку притиска за трансфер.