Имобиле по вторпат позитивен на ковид-19

Напаѓачот на Лацио Чиро Имобиле беше во изолација затоа што неговата сопруга беше позитивна на ковид-19.

Од таа причина Имобиле го пропушти натпреварот против Џенова во петокот. Тогаш тестовите на Имобиле беа негативни, меѓутоа сега „Газета дело Спорт“ објави дека и тој е позитивен на вирусот.

Ова значи дека Имобиле сигурно нема да биде во комбинација за настап против Венеција утре. Инаку, Имобиле веќе е вторпат заразен со ковид-19, првпат беше пред една година.