Играчите на Барселона принудени на следното гостување да одат со автобус?

Поради протестите во Барселона и низ Каталонија, играчите на Барселона ќе мораат во сабота малку потешко да патуваат до Еибар.

Барса во сабота од 14:00 часот му гостува на Еибар, но поради протестите кои се случуваат во Барселона, многу е возможно тимот со автобус да тргне на шестчасовното патување во Еибар.

До сега обично беше случај Барселона со авион да лета до Билбао, а потоа со автобус од баскискиот град до Еибар. Последен пат Барса со автобус на едно гостување одеше во 2010. година, кога му гостуваше на Интер во Милано.