Зидан потврди: Нов договор на повидок, кормилото останува негово

Зинедин Зидан потврди денес дека потпишал нов договор со Реал Мадрид.

Стариот договор на францускиот стратег истекува по завршувањето на оваа сезона, а како што се очекуваше, соработката помеѓу обете страни ќе продолжи.

„Обновување на договорот? Тоа е веќе сторено“, ги изненади Зидан новинарите на денешниот прес за медиумите, избегнувајќи да образложи детално.

„Посветен сум на дневните обврски и не гледам понатаму од тоа“, додаде.

Славниот Зидан на кормилото на Реал пристигна во јануари 2016. година. Под негово водство Кралевите освоија две титули во ЛШ, една Примера, два трофеи од Суперкупот на Европа и еден во рамки на Суперкупот на Шпанија.