Жестоки критики за Нуњез, Клоп застана во негова одбрана

Дарвин Нуњез повторно не успеа да постигне гол, иако Ливерпул постигна четири во победата над Њукасл.

Уругваецот одигра многу добар натпревар, му асистираше на Мохамед Салах при водечкиот гол на Ливерпул, но пропушти дури четири шанси, од кои три 100%.

Од синоќа навивачите прашуваат колку Дарвин ќе го чини Ливерпул оваа сезона со неговите 100% промашувања на шанси, а многумина сметаат дека Диого Жота е подобра опција на позицијата „деветка“.

Едноставно, на Нуњез му требаат навистина голем број на шанси за гол, но Клоп смета дека ја враќа вложената доверба.

„Не се сомневајте во Нуњез, се е сосема во ред. Дарвин ќе дава голови и тоа никој не треба да го доведува во прашање, само погледнете ја асистенцијата со која дојдовме до водство. Тој е критикуван на социјалните мрежи, но кој го гледа во живо знае колку тој работи и колку тоа ни значи“, изјави Клоп.