Добри вести за Барселона пристигнуваат од Кина

Чави Ернандес со душа го чека јануарскиот преоден рок за да реши некои проблеми во тимот.

Пред се Чави сака да донесе засилување во нападот, бидејќи е јасно дека нема да може да смета на Серхио Агуеро.

Шпански „АС“ пишува дека Барселона во следните денови ќе потпише договор со Седрик Бакамбу, кој во минатото играше за Виљареал, по што беше продаден во Пекинг Гуан за 40 милиони евра.

Бакамбу во Кина постигна 58 голови на 87 натпревари, а сега е желба на Каталонците откако Серхио Агуеро мораше да ја заврши кариерата поради проблеми со срцето.

Бакамбу за две ипол сезони во редовите на „жолтата подморница“ постигна 32 гола во Ла Лига и би можел да биде солидно решение за нападот на Барселона.