Дибала: Жалам што не можам да помогнам, најсреќен сум кога играм

Како што поминува времето станува се појасно дека Јувентус тешко ќе се одржи до крај за борбата за Скудетото.

Јувентус не игра на нивото на кое посакуваат навивачите тоа се докажа и со поразот од Беневенто во неделата. Аргентинецот Пауло Дибала пропушти голем дел од сезоната, сезонава тој повеќе е отсутен отколку што е на теренот. Дел од навивачите сметаат дека токму неговото отсуство е причината за слабите игри на Јувентус.

„Многу ми е жал што не можам да им помогнам на соиграчите, најсреќен сум кога играм. Ќе продолжам да тренирам и едвај чекам да се вратам. Ние сме Јуве“, порача Дибала.

Во Јувентус водат и преговори за продолжување на договорот на Дибала кој истекува следното лето.