Голем јубилеј за Манасков: 400 гола за Веспрем!

Тимот на Вепсрем продолжи со настапите во унграскиот шампионат.

Вчера шампионот на Унгарија играше против Френцварош, а во овој меч македонскиот репрезентативец Дејан Манасков прослави голем јубилеј – 400 гола во дресот на Веспрем.

Манасков во овој меч стигна до 400 гол, а унгарскиот шампион испрати честитка до нашиот репрезентативец преку социјалните мрежи. Треба да се спомене дека Манасков сезонава игра во одлична форма и е еден од подобрите кај унгарскиот тим.