Голден Стејт го демолираше Њу Орлеанс, Дурант го водеше Бруклин до победа 🎥

Голден Стејт одигра супер натпревар против Њу Орлеанс со кој сигурно фановите на овој тим ги потсети на шампионските денови кога доминираа во НБА лигата.

Демолиран беше тимот на Њу Орлеанс со 126:85 и со тоа Вориорси се на одличен скор од седум победи и еден пораз од почетокот на сезоната. Тие заедно со Јута се лидери на Западот.

Клучниот момент за оваа голема победа е серијата од 22:6 во третата четвртина, тука беше решен победникот. Прв стрелец беше Џордан Паул со 26 поени, Кари уфрли 19 и додаде шест асистенции. Во редовите на Њу Орлеанс Валанчиунас запиша дабл-дабл од 20 поени и 15 скока.

Кевинд Дурант со супер настап ги водеше Бруклин до победа на гости во Детроит (90:96). Дурант мечот го заврши со дабл-дабл учинок од 29 поени, 10 скока и 5 асистенции, имаше поддршка и од Олдриџ кој уфрли 16 поени и додаде 5 скока. Џејмс Харден не беше толку многу поентерски расположен, но затоа запиша трипл-дабл со 13 поени, 10 скока и 10 асистенции. На спротивната страна Цунингхам беше најефиаксен со 17 поени, четири скока и 2 асистенции. Треба да се истакна и дабл-дабл учинокот на Кели Олајнук од 14 поени, 10 скока и 2 асистенции.

НБА РЕЗУЛТАТИ: Детроит – Бруклин 90:96, Орландо – Сан Антонио 89:102, Вашингтон – Мемфис 115:87, Торонто – Кливленд 101:102, Милвоки – Њујорк 98:113, Минесота – ЛА Клиперс 84:104, Портланд – Индија 110:106, Сакраменто – Шарлот 140:110.