Гвардиола и Мурињо се „тепаат“ за Милинковиќ-Савиќ

Италијанските медиуми пренесуваат дека се игра дерби на Манчестер за потписот на српскиот репрезентативец и член на Лацио, Сергеј Милинковиќ-Савиќ.

Милинковиќ-Савиќ блеска и оваа сезона во дресот на Лацио и е на радарот на многу европски гиганти.

За Србинот силен интерес од поодамна покажува Жозе Мурињо кој испратил скаути да го следат неговиот настап на мечот Сампдорија – Лацио, каде Савиќ одигра феноменална партија.

Меѓутоа, „црвените ѓаволи“ не се единствени кои се интересираат за него. Скаути на Манчестер Сити веќе подолго време ја следат ѕвездата на Лацио, а Гвардиола по секоја цена сака да го донесе во своите редови.

Двете екипи од Манчестер ќе водат голема битка за неговиот потпис, а Лацио сигурно нема да го пушти Србинот за сума помала од 80 милиони евра.