Милан и Рома утре го играат големото дерби од третото коло во италијанската Серија А.
Пред натпреварот на „Сан Сиро“ зборуваше тренерот на „росонерите“, Џенаро Гатузо кој откри од каде ја очекува најголемата опасност.
Пред дербито, падна најважниот потпис во Манчестер Сити! ↓↓↓
Според Гатузо најголемата закана од Рома доѓа од босанскиот напаѓач, Един Џеко.
„Се припремаме за противник кој има навистина многу различни карактеристики. Имаат брзи играчи и добри се од прекини, па мораме да бидеме внимателни при прекините. Посебно мораме да внимавме на Џеко“, изјави Гатузо.
Минатиот викенд Милан беше поразен од Наполи со 3:2, иако имаше предност од 0:2. Гатузо објасни што се случило во тој натпревар.
„Против Наполи го видовте вистинскиот Милан, но само 60 минути. Имавме посед, го натеравме противникот да размислува и покажавме дека тешко да се игра против нас. Повеќе трчавме, а кога започнавме да трчаме без никаков план, тогаш настанаа проблемите“, истакна стратегот на Милан.
Натпреварот помеѓу Милан и Рома се игра утре со почеток во 20:30 часот.