Газидис: Ибра треба последниот меч да го одигра во Милан

Генералниот директор на Милан, Иван Газидис изрази надеж дека Златан Ибрахимовиќ ќе ја заврши кариерата на „Сан Сиро“.

40-годишниот Ибрахимовиќ треба да донесе одлука дали ќе ја продолжи кариерата уште една сезона или во јуни ќе оди во пензија.

„Златан знае дека со секоја измината година треба да го адаптира своето тело за да продолжи да биде важен за тимот и да игра на високо ниво. Се надевам дека кога ќе донесе одлука да се повлече последниот меч ќе ги одигра во Милан. Ние имаме специјална сторија со Ибра. Тој е многу важен за тимот и надвор од теренот“, изјави Газидис.

Пред неколку дена Паоло Малдини изјави дека новиот договор нема да биде проблем и дека Ибрахимовиќ треба да донесе конечна одлука.

Gazidis hopes that Ibrahimovic would play his last game with AC Milan 🦁 https://t.co/RVevuoMV7Y

— MilanReports (@MilanReportscom) February 11, 2022