Шпанскиот напаѓач, Феран Јутгло на крајот на минатата сезона ја напушти Барселона и одлучи да потпише за Клуб Бриж.
Овој 23-годишен напаѓач минатата сезона неочекувано доби шанса во првата екипа на Барселона откако Чави беше избран за нов тренер и ги воодушеви навивачите со неколку одлични натпревари.
Му ги броиме деновите на Тен Хаг во Манчестер! ↓↓↓
Меѓутоа беше јасно дека тешко ќе се избори за место покрај Обамејанг, подоцна и Депај се опорави од повреда. Така полека го изгуби местото во првиот тим и до крајот на сезоната повеќе играше за Барса Б, поради тоа летово се одлучи да ја промени средината.
За нов клуб го избра Клуб Бриж и уште на почетокот покажа дека ќе биде одлично засилување. На шест натпревари во белгиската лига постигна пет голови и запиша две асистенции и покажа дека Бриж со него доби одлично засилување.
Вчера на гостински терен Бриж славеше со 3:1 против Чарлерои, а токму Јутгло постигна два гола. Вториот негов гол беше вистинска мајсторија.