ВИДЕО Погледнете ја мајсторијата на Чалханоглу против Црвена Звезда

Интер ја победи Црвена Звезда со 4:0 во Милано во натпреварот од второто коло во Лигата на шампионите.

Италијанскиот шампион поведе во 11. минута со одличниот гол на Хакан Чалханоглу.

Турската ѕвезда шутираше од слободен удар, а топката на патот до голот ја допре главата на играч на Звезда од живиот ѕид, по што заврши во мрежата.

Ова беше седми настап за Чалханоглу сезонава, а одличниот гол против Звезда беше втор. Гледајќи ја севкупната статистика на Интер, на кој му се приклучи од градскиот ривал Милан, тој одигра 142 натпревари и постигна 29 и асистираше на 24 гола.