Видео: Кокелан во Валенсија за еден месец го направи она што не му успеваше во Арсенал 10 години!

Во јануари овој месец Франсис Кокелан направи трансфер од Арсенал во Валенсија за сума од 13.5 милиони евра.

Кокелан во вчерашниот натпревар во кој Валенсија славеше против Малага (2:1) го постигна својот првенец.

За само еден месец во новиот клуб Кокелан успеа да се запише во листата на стрелци, но интересно е што за 10 години во Лондон не успеа да постигне погодок.

Одигра 160 натпревари во сите натпреварувања, а остана на истиот учинок како и кога дојде во клубот – нула погодоци.

Кокелан до овој момент изгледа како одлично засилување за Валенсија, додека во редовите на Арсенал во главно беше во втор план.