Видео: Десеткуваниот Милан триумфално низ Џенова (видео)

Фудбалерите на Милан остварија важна победа на гостувањето кај Џенова (0:2) и се вратија на 4-то место на табелата.

Тренерот Гатузо за овој меч не можеше да смета на дури 8 фудбалери, но сепак успеа да ги освои трите бода на ова незгодно гостување.

Во првото полувреме домаќините беа поконкретни, а Милан се закани само еднаш, преку Пакета, кој ја погоди стативата.

Во второто полувреме „росонерите“ покажаа дека се дојдени по трите бода и создадоа неколку шанси. Иницијативата резултираше со предност во 72-та минута кога погоди Борини по асистенција на Конти.

Сусо во 83-та минута стави точка на натпреварот после одличниот контранапад и асистенцијата на Чалханоглу.

Suso’s goal against Genoapic.twitter.com/pIr7AWC3BQ

— Milan Eye (@MilanEye) January 21, 2019